Mula o Mola ?

En bòsc de Bordèras, au capvath deu camin d’Enric, cola la « Hont de la Mola ». Mes perqué l’an aperada atau ? Sustot ne cau pas escotar los Romantics qui, au sègle detzenauau, prenent de haut las lengas deu pòple, i vedèn ua origina estranhèra e ua desbatiada deu nom en « Hont de la Mula » (« mula » en espanhòu). Permor qu’autes còps, lo camin qui passava sus la hautor, qu’èra un camin romiu seguit peus peregrins espanhòus tà s’en anar a Roma en hasent ua pausa a Sent-Pèr-de-Gièiras (St-Pé-de-Bigorre). La loa istuèra que conta qu’un d’aquestes peregrins, pujat sus ua mula, que s’èra pergut en lo bòsc, hart de fatiga, de sed e de hami. La bèstia - pas tant bèstia qu’aquò - que’u miè auprès d’ua ròca. Que’s virè de cuu e d’un còp d’esclòp, que henó la pèira d’on chorrè ua hont, la Hont de la Mula.

Que’s conta tanben la medisha istuèra, mes dab un maquinhon espanhòu viengut hens la Vath-Vielha crompar mulas, permor que s’i hasè un eslhevatge pro frutèc d’aquestes animaus. Los abitants d’Angais que’n an guardat los chafres de « Peseteròs, Muleteròs ».

Lo nom, segur, que vién deu biarnés « Mola ». Qu’i avè a noste molins d’aiga per tots los arrius e arriulets. Qu’èran, hèra sovent, « molins d’escota si plau » qui mancavan d’aiga per las sequèras.

Ua legenda que ditz qu’un d’aquestes molièrs, joen e atrevit, morganhós de véder lo son molin a l’estanc, se’n anè cambià’s las ideas peu bòsc e que hè ua pausa au ras d’ua hont de pisha prim qui èra, plan segur, peu moment estarida. Lo lòc qu’èra pro fresc e lo noste òmi, aflaquit, que s’adromí sus l’erbeta.

Au cap d’ua bèra pausa, qu’entenó ua musica estranha, vienguda d’un nh’aute monde e que vedó - mes n’èra pas qu'un saunei ? - ua dauna blanca, d’ua grana beutat, a dançar dab l’arrai de lua. Qu’èra la hada de la hont. Lo gojat, hens la luèra, qu’èra tanben pro charmant... Non sèi pas díser çò que s’i passè permor que lo molièr ne’n parlè pas jamei. Mes çò que lo monde vedó l’endedia qu’ei lo noste òmi qui baishava deu bòsc a hum de calhau e l’aiga qui’u seguí dinc au son molin. Despuish, la hont qu’estè aperada « Hont de la Mola ».

Lo maishant hat

Autes còps, hens lo bòsc d'Angais, vivè praube monde, hens lo parçant de Laròca, tot a l'entorn d'un petit castèth. N'avèn pas gran causa a mintjar ni granas tèrras a tribalhar. Peu capvath, qu'i avè un terrenh tot planhèr, cobèrt d'arromecs e de saligas. Que decidèn d'eishartigà'u e d'i bastir un navèth vilatge. Que s'i hiquèn tots e, lèu lèu, que s'i installèn.

Lo monde de Boelh, plan engelosiat de la loa escaduda, pretenó qu'èra proprietari de las tèrras e que's pelejèn. A la fin, ua broisha de Boelh getè un maishant hat suu lòc d'Angais e despuish, de temps en quan, l'Usèrta qu'apareish e que semia maishants maus !

La legenda que s'inspira de la realitat :

- Près deu lòc-dit, au "camin de las Motas", que's troban vestigis d'ua petita mota " La mota deus escolans " qui data probablament de l'Atge deu Hèr, atestant d'ua aucupacion anciana deu siti.

- L'arriu qui passa au long de Laròca que s'apèra "Darrèr-vinha". Daubuns qu'i veden la préséncia anciana de vits. Mes qu'ei contestable, car "Vinha" pòt designar tanben ua hautor (Vignemale) o ua via.

Bètharram : Legenda de L'estèla
Joens pastors aperceben ua lutz tau com ua estèla sus la riba gaucha deu Gave de Pau. Que troban aquiu ua estatua de Madona, lusent hens un brocar ardent. Los abitants deu lòc l'installan hens un bujau pas hèra luenh d'aquiu. Mes l'estatua se'n torna miraculosament a l'endret on esté trobada. Que la hican donc hens la glèisa, mes que se'n torna enqüèra au ras deu gave. Que'u basteishen alavetz ua capèra a l'endret on tornava. Aquiu que demora enqüèra. L'estèla balhé lo son nom au vilatge.

Lo bèth arram
Ua gojata cadó hens lo gave e, suu punt de negà's, que prega Senta-Maria. Un arram eslorit que pareish au devant d'era. Que s'i agarra e la Vièrja la torna miar sus la riba, dab lo son « bèth arram ».

La crotz deu calvari
En julhet de 1616, que plantén ua grana crotz au som deu calvari. Quauques temps après, per devant cinq paisans deu parçan, un vent hèra violent la capvira. Mes suu còp, la crotz que's torna quilhar hens ua esmiraglanta lutz. Lo purmèr calvari de Betharram qu'i serà installat en 1623.

Legendas de Pardias-Pietat

Un murtre familiau
Au s. VIIau, un crestian esposa ua pagana qui's converteish. Mes los sons pairs tuan lo lor gendre. Lo monde deu vilatge construseish lavetz ua capèra, capvath la sèrra, qui vad un lòc de peregrinatge. Aquesta legenda, alargada per un abbat de Pardias, au s. XVIIIau, com si èra arribada a Pardias qu'ei en realitat un ahar qui's desbanè en Dordonha.

L'aparicion de la Vièrja
Aqueste abbat fabulador que contè tanben aus poblants deu vilatge qu'en 1660, la Vièrja qu'èra apareishuda a un pastor tà mandà'u de tornar bastir la capèra desruida peus protestants. Si ne hèn pas compte de sa demanda, que'us promet gravas calamitats. Lo pastor n'ei pas pres au seriós, mes sequèras, raquèras, hamièras que s'abateishen annadas après annadas suu vilatge. Alavetz, que feneishen per tornar bastir ua capèra sus la sèrra e las catastròfas cessan enfin.

LO MAU DE St-AMBRÒSI

La capèra St-Ambròsi

Qu'ei permor que sus l'aute costalat, s'i troba la capèra de Narcastet embarrant ua tela qui representa aqueth sent. Qu'i anavan tà guarir de questa medisha malaudia qui n'ei pas arren mes que lo raquitisme. Hens la glèisa tanben, que deishavan los vestits vielhs. Que freitavan sus la prauba tela deu Guy Louis II de Vernansal pelhas navas hicadas au mainat, un còp la pregaria fenida e que se'n tornavan. Que pensavan que, taus qui vienèn deu nòrd deu gave, n'èra pas la pena d'arribar dinc a Narcastet. Qu'abastava de véder la capèra.

L'ua de las pregarias, plan crudèla, disè : « Sent-Ambròsi de Narcastet, guareish lo mainatge o tira'u-me la pèth.»

Hens la capèra, lo sacristan recuelhè los pelhamis e los tornava véner au mercat de Nai, l'esfrut estent emplegat a har díser evangèlis taus malauts. Las de la terrucòla d'Artigalotan poeirivan o hasèn lo bonur de quauques perrequèrs de passatge.

Mieihaget

Qu'èra un estanguet deu camin de St-Jaqueish peu pòrt deu Portalet. Gaston lo Crotzat qu'i avè fondat, en 1131, ua comandaria gavidada per la congregacion deus Augustins e un espitau de peregrins. Aqueste, adara desaparegut, qu'èra au nòrd de la glèisa Sent Miqueu, bastida au s. XIIIau. Que guarda d'aqueth temps lo portau sud, dab un crisme entornat d’ua arquivòlta descorada d’anjós dab alas desplegadas, capitèths escultats e ua cripta arcada en copòla, contenent ua petita estatua qui sembla plorar per temps umid, permor de l'aiga qui sordeish sus la soa cara.

Sent Plorador

Aquesta cripta qu'ei estada ubèrta de nau en 1894, au moment d'ua restauracion de la glèisa. Qu'ei alavetz qu'ei resurgida ua hèra anciana legenda qui preten qu'aquesta estatua, batiada Sent-Plorador, qu'avè lo poder de guarir los mainats ploramicós. Que'us hasèn tocar las larmas deu sent qui, a fòrça, avó lo son nas mascanhat per las bailinas. L'estatua que representa mei lèu un anjo qu'un sent òmi.

Sent-Pèir guaridor
La capèra de Sent-Pèir de Baliròs, datant deu sègle XIVau, qu'esté construida près d'ua hont miraculosa qui avè la reputacion de guarir la rauja, la « Hont deus cocuts ». Qu'acessava - ce disè - relíquias deu sent. N'en demora pas que quauques riales vestigis près deu castèth de Colomby e, lhèu, au sud, ua petita resurgéncia de la hont, hens un varat tot près d'aquiu. Baliròs qu'a tanben, de l'aute costat deu vilatge, ua hont aperada « de Brocar », rica en hèr, on se pòd suenhar l'anemia.

Sent-Pèr-de-Bigòrra
La glèisa de Sent-Pèr-de-Bigòrra qu'a remplaçat l'abaciala de l'Abadia benedictina fondada en 1022, peu Duc Sanche V de Gasconha, guarit miraculosament en aqueste lòc. Qu'esté hòrt maumiada per las Guèrras de Religion e per dus beròis tèrratrems. Lo de 1660 que hè aclapar la soa tor lantèrna monumentau. La color òcre deus murs exteriors qu'ei balhada per la briòla, pèira tirada d'ua pèirèra locau e utilizada tà la construccion de l’abbaciala originau. Lo pòrge en crotzada d'augivas, que vien de l'abaciala primitiva. Que conserva tanben ua vièrja policròma deu s. XIVau, jòia de la glèisa avent escapat a la destruccion deus uguenauts.

La clau de Sent-Pèr (Pèir)
A l'Atge Miejancèr, que s'i pressavan tà la soa clau de Sent-Pèir, en hèr, grossièrament haurada, objècte d'ua grana devocion. D'un simple tocar, qu'èra sensada guarir la rauja. Que l'utilizavan tanben tà practicar l'ordalia o jutjament de Diu. Tà provar l'inocéncia soa, que calè tirar ua pèira d'un herrat d'aiga borienta. Los jutges prestavan serment sus la clau. Lo braç deu previengut qu'èra trocerat tanlèu tirat de l'aiga. Qu'obrivan la troçadera au cap de tres dias e qu'estimavan si èra brutlat. Qu'èra tanben ua estapa deus camins de St-Pèir (Roma). A l'Atge Miejancèr, lo camin d'Enric qu'èra aperat « camin de St-Pèr » (Camin de St-Pèir).

Lo vilatge maladit

La legenda conta qu'autes còps, a la plaça deu Lac de Lorda, que i avè un vilatge. Mes los sons poblants qu'èran tots de maishanta vita, aganits, menturs, volurs, tumahús... Lo bon Diu, pas hèra content de l'anar deu monde deu lòc que s'i presentè, vestit com un vielh mendic, croishit e tòrt. Tots que's trufavan d'eth.

Sola ua joena hilha qui guardava las crabas, que'u getè un petit tròç de pan pro sèc. Alavetz, que'u digó de partir shens tornà's. E d'un gran signe de man, que he viéner aiga de tota part. La gojata se'n anè e lo vilatge qu'esté engolit dinc a har un gran lac.

Arribada pro luenh, la mainada que's tornè. Malaia ! Qu'esté adés transformada en pèira : la pèira-crabèra. E qu'ei, despuish, tostemps a la medisha plaça, au ras de la rota qui va a Lorda.

Lo lac de Lorda

Qu'ei un lac d'origina glaciària de 52 ha, qui s'ei format au darrèr d'ua bèra morèna que lo monde deu lòc a batiada "l'Esclòp" permor de lo son auburi qui sembla hòrt ad aquèra cauçadura. La legenda deu lac qu'ei inspirada deu mite d'Orfèu.

 + 

Quan los paisans de Horcs an eisharticat las lanas de la Garua de Loron qu'an hèit quauquas descobèrtas qui, malurosament, son demoradas longtemps secretas :

1 - Hons de cabanas :

En 1968, lo maire deu vilatge troba ua pèiraquilhada en un camp de Barzun. Quan l'an desplaçat a Arudi, los mainats de l'escòla qu'an hèit un liberòt suu monument e, lavetz, quauques parents, intrigats per l'estudi deus cercs de pèiras qui l'entornavan, gausín parlar de las loas ancianas descobèrtas. Sus la Lana de Garua de Loron, qu'avén desruit murs de pèirs en rond, hèra numerós, dinc ací enterrats. Qu'èran, probablament, hons de cabana be-se deu Neolitic, de l'Atge deu hèr o de la debuta de l'Atge miejancèr. Que poderé tanben estar ua necropòli com la de Bartrès.

2 - arbos enigmatics :

Hens un lòc hèra umide, qu'avèn sortit de tèrra troncs d'arbos qui semblavan fossilizats, hèra plan conservats, en grana quantitat, de color quasi nera, cochats en gran desordi, com après un gran tèrratrem.

Legenda :

La tradicion que ditz que, sus las lanas d'ací, autes còps, que i avè vilatges e castèths. Mes lo lor monde que's pelejava tostemps e un dia, lhèu punicion divina, un tarrible tèrratrem qu'a tot emportat. Que sabem uei qu'aquestes vilatges qu'an aucupat los soms e las lanas a l'entorn. Qu'èran los de Lapausa, Senta-Cristina e lo Vialèr de Garua. Un casteròt, lo deu Sénher de Garua que's quilhava près de la crotzada de la rota de Pontac a Benejac e deu camin d'Enric.

 + 

La legenda de Morla

Hens la Seuva de Morla, a çò que disen, la nueit, que s'i entenen uglaments tarribles ! Daubuns que contan que seré lo rei Artús qui i caça e d'autes responen que seré Robèrt lo Diable (personatge legendari inspirat de Robèrt lo Diable.

L'istuèra de noste preten que lo caçador maladit estó condamnat a errar shens fin per aver profanat lo dimentge.

En Normandia, que contan qu'ei un hèra maishant òmi, hilh deu Diable. Quan apren la soa origina, que vòu har peniténcia e que se'n va víver ua vita d'ermita. Au contre d'ací, que s'embarra hens lo silenci.

Robèrt lo Diable

o Robèrt lo Magnific, Duc de Normandia, hrair de Richard III, (sègle XI) qu'ei lo pair de Guillaume le Conquérant. Après ua vita trebatenta, que hè un peregrinatge en Palestina e que moreish a Jerusalem.

 + 

Castèth de Robèrt-lo-Diable a Moulineaux (76)

La legenda d'Orton

Au temps de Gaston Febus, lo baron Ramon de Coarasa qu'avè, totas las nueits, la visita d'un mandragòt invisible deu nom d'Orton qui'u viené anonciar tot çò qui anava arribar en lo monde. De tot saber abans los autes, que'u balhava grana consideracion e notablament au ras deu vescomte de Biarn.

Mes lo Ramon qu'èra tròp curiós. L'esperit non s'amuishava pas jamei e que'u demandé d'ac har. Ua nueit enfin, lo mandragòt que prometó de paréisher tad eth l'endedia. Au matin, lo sénher qu'esté desvelhat per ua troja qui cridava per la cor. Que la he acaçar peus vailets. Mes aquesta bèstia qu'èra Orton. Ofensat, l'esperit ne torné pas mei au castèth.


Lo baron Ramon II de Coarasa

qu'ei un lòctenent fidèu de Gaston Febus. Dab tres cents chivalièrs gascons e biarnés que participa a la batalla d’Aljubarrota, lo 14 d'aost de 1385, au darrèr deu rei Jan I de Castilha e contra lo rei deu Portugau. Tots qu'i van trobar la mort.

 + 

Castèth de Coarasa

INCENDIS DE NAI

La vila de Nai que conegó mei d'un gran huec. Lo mei famós que's debanè tà la Pentacosta de 1543. Aqueth hèra gran desastre qu'a balhat de segur drin d'aviada a las imaginacions e que'n avem guardat duas legendas :

1 - Extraterrèstes ?

Hens las soas « Histoires prodigieuses », Belleforest que preten qu’esté alugat per eslamas apareishudas hens los aires qui s’aclapan sus la plaça e anientan la vila en quauquas òras.

2 - La candela deu mainat

Deu son costat, l’istorian Nicolau de Bordenave que conta, eth, qu’un mainat cercant ua bala per devath lo son lheit, en esclairant-se dab ua candela, qu'èra l'encausa d'aqueste huec hens qui lo monde vedó lo castig divin contra ua populacion vivent hens lo luxe... e la luxuria.

 + 

François de Belleforest

Mule ou Moulin ?

Dans le bois de Bordères, en dessous du chemin d’Henri IV, coule la « Fontaine de la Moule ». Mais pourquoi l’a-t-on appelée ainsi ? Surtout, il ne faut pas écouter les Romantiques qui, au XIXème siècle, prenant de haut les langues du peuple, y virent une origine étrangère et une déclinaison du nom en « Hont de la Mula » (« mule » en espagnol). Parce qu’autrefois, le chemin qui passe sur la hauteur, était un chemin suivi par les pèlerins espagnols pour aller à Rome en faisant une pause à Saint-Pierre-des-Lierres (St-Pé-de-Bigorre). Leur histoire raconte qu’un de ces pèlerins, monté sur une mule, s'était perdu dans le bois, mort de fatigue, de soif et de faim. La bête - pas si bête que ça - l'amena auprès d’une roche. Elle se retourna et d’un coup de sabot, elle fendit la pierre d’où jaillit une fontaine, la Fontaine de la Mule.

On raconte aussi la même histoire, mais avec un maquignon espagnol venu dans la Vath-Vielha acheter des mules, parce qu'on y faisait un élevage très rentable de ces animaux. Les habitants d’Angaïs en ont gardé les surnoms de « Peseteròs, Muleteròs ».

Le nom, bien sûr, vient du béarnais « Mola » (Meule ou Moulin). Il y avait chez nous des moulins à eau sur tous les ruisseaux. C'était très souvent, « des moulins d’écoute s'il pleut » qui manquaient d’eau par temps secs.

Une légende dit qu’un de ces meuniers, jeune et dégourdi, rageant de voir son moulin à l’arrêt, alla se changer les idées par le bois et fit une pause près d’une maigre fontaine, tarie à ce moment-là. Le lieu était bien frais et notre homme, affaibli, s’endormit sur l’herbette.

Au bout d’un long moment, il entendit une musique étrange, venue d’un autre monde et il vit - mais n'était-ce pas un rêve ? - une dame blanche, d’une grande beauté, danser avec un rayon de lune. C'était la fée de la fontaine. Le garçon, dans la lueur, était aussi assez charmant... Je ne saurais dire ce qui se passa car le meunier n'en parla jamais. Mais ce que les gens virent le lendemain c'est notre homme qui descendait du bois à toute vitesse et l'eau qui le suivit jusqu'à son moulin. Depuis, la fontaine prit le nom de « Hont de la Mola » (Fontaine du Moulin).

Un mauvais sort

Autrefois, dans le bois d'Angaïs, vivaient de pauvres gens, dans le quartier Larroque. Ils n'avaient pas grand chose à manger ni de grandes terres à travailler. Mais, plus bas, il y avait un terrain plus plat couvert de ronces et de saules. Ils décidèrent de le défricher et d'y installer un nouveau village. Les gens de Boeil prétendirent qu'ils étaient propriétaires de ces terres et ils se les disputèrent. A la fin, une sorcière de Boeil jeta un mauvais sort sur Angaïs et c'est pour cela que depuis, de temps en temps, l'Uzerte revient !


La légende s'inspire de la réalité :

- Près du lieu-dit, au "camin de las Motas" (chemin des mottes), on a retrouvé les vestiges d'une petite motte " La motte des écoliers " datant probablement de l'Age du Fer qui atteste d'une occupation ancienne du site.

- Le ruisseau longeant Larroque s'appelle "Darrèr-vinha" (derrière la vigne). Certains y voient la présence ancienne de vignes. Mais c'est contestable, car "Vinha" peut désigner aussi une hauteur (Vignemale) ou une voie.

Bétharram : Légende de Lestelle (l'étoile)
De jeunes bergers, aperçoivent une lumière pareille à une étoile sur la rive gauche du Gave de Pau. Ils trouvent là une statue de Madone, brillant dans un buisson ardent. Les habitants du lieu l'installent dans une niche non loin de là. Mais la statue revient miraculeusement à l'endroit où elle avait été trouvée. On la mit donc dans l'église, mais elle revint encore près du gave. On lui construisit alors une chapelle à l'endroit où elle revenait. C'est là qu'elle est encore. L'étoile donna son nom au village.

Bèth arram (beau rameau)
Une jeune fille tombée dans le gave, sur le point de se noyer, prie Sainte-Marie. Un rameau fleuri apparaît devant elle. Elle s'y agrippe et la Vierge la ramène sur la rive, avec son « beau rameau ».

La croix du calvaire
En juillet 1616, on planta une grande croix au sommet du calvaire. Quelques temps après, devant cinq paysans du coin, un vent très violent la renverse. Mais aussitôt, la croix se relève dans une éblouissante lumière. Le premier calvaire de Bétharram y sera installé en 1623.

Légendes de Pardies-Pietat

Un meurtre familial
Au VIIème s., un chrétien épouse une fille païenne qui se convertit. Mais ses parents tuent leur gendre. Les gens du village construisent alors une chapelle, en bas de la colline, qui devient un lieu de pèlerinage. Cette légende, répandue par un abbé de Pardies au XVIIIéme s., est inspirée d'un fait qui eut lieu en Dordogne.

L'apparition de la Vierge
Cet abbé fabulateur raconte aussi qu'en 1660, la Vierge est apparue à un berger pour lui demander de reconstruire la chapelle détruite par les protestants. Si sa demande n'est pas prise en compte, elle lui annonce de graves calamités locales. Le berger ne fut pas pris au sérieux, mais les sécheresses, les épidémies, les famines s'abattent des années durant sur le village. Alors, on finit par rebâtir une chapelle sur la colline et les catastrophes cessent enfin.

LE MAL DE St-AMBROISE

La chapelle St-Ambroise

C'est que, sur le coteau d'en face, se trouve la chapelle de Narcastet renfermant une toile - aujourd'hui en piteux état - qui représente ce saint. On y allait pour guérir de cette même maladie qui n'est autre que le rachitisme. Dans l'église aussi, on laissait les vieux habits. Quand la prière était finie, on mettait des vêtements neufs à l'enfant et on repartait. On pensait que, lorsqu'on venait du nord du gave, il était inutile d'arriver jusqu'à Narcastet. Il suffisait de voir la chapelle.

L'une des prières, bien cruelle, disait : « Sent-Ambròsi de Narcastet, guareish lo mainatge o tira'u-me la pèth.» (« Saint-Ambroise de Narcastet, guérit l'enfant ou mets fin à sa vie.»)

Dans la chapelle, le sacristain recueillait les nippes et les revendait au marché de Nay et le revenu étant employé à faire dire des évangiles pour les malades. Celles du mamelon d'Artigueloutan pourrissaient ou faisaient le bonheur de quelques chiffonniers de passage.

Mifaget

Mifaget était une étape du chemin de Saint-Jacques par le col du Pourtalet. Gaston le Croisé y avait fondé, en 1131, une commanderie dirigée par la congrégation des Augustins et un hôpital des pèlerins. Celui-ci, aujourd'hui disparu, était au nord de l'église Saint Michel, bâtie au XIIIème s.. Elle garde de cette époque le portail sud, avec un chrisme entouré d’une archivolte décorée d’anges aux ailes déployées, des chapiteaux sculptés et une crypte voûtée en coupole, contenant une petite statue qui semble pleurer par temps humide, car de l'eau suinte sur son visage.

Cette crypte a été réouverte en 1894, lors d'une restauration de l'église. C'est alors qu'est resurgie une très ancienne légende qui prétend que cette statue, baptisée Saint Plorador, avait le pouvoir de guérir les enfants pleurnichards. On leur faisait toucher les larmes du saint qui, à force, eut son nez déterioré par les caresses.

Saint-Pierre guérisseur
La chapelle de Saint-Pierre à Baliros, datant du XIVème siècle, avait été construite près d'une source miraculeuse qui avait la réputation de guérir la rage, la « Hont deus cocuts ». Elle abritait - disait-on - des reliques du saint. Il n'en reste que quelques rares vestiges près du château de Colomby et, peut-être, au sud, une petite résurgence de la fontaine, dans un fossé tout près de là. Baliros possède aussi, de l'autre côté du village, une source appelée « de Brouca », riche en fer, où l'on pouvait soigner l'anémie.

Saint-Pé-de-Bigorre
L'église de Saint-Pé-de-Bigorre a remplacé l'abbatiale de l'Abbaye bénédictine fondée en 1022, par le Duc Sanche V de Gascogne, guéri miraculeusement en ce lieu. Elle fut fort malmenée par les Guerres de Religion et par deux gros tremblements de terre. Celui de 1660 fit écrouler sa monumentale tour lanterne. La couleur ocre des murs extérieurs est donnée par la briole, pierre tirée d'une carrière locale et utilisée pour la construction de l’abbatiale originelle. Le porche en croisée d'ogives, provient de l'abbatiale primitive. Elle conserve également une vierge polychrome du XIVème s., joyau de l'Eglise ayant échappé à la destruction des huguenots.

La clé de Saint-Pierre
Au Moyen-Age, on s'y pressait pour sa clé de Saint-Pierre, en fer, grossièrement forgée, objet d'une grande vénération. D'un simple toucher, elle était sensée guérir la rage. On l'utilisait aussi pour la pratique de l'ordalie ou jugement de Dieu. Pour prouver son innocence, il fallait retirer une pierre d'un seau d'eau bouillante. Les juges prêtaient serment sur la clé. Le bras du prévenu était couvert aussitôt retiré de l'eau. On ouvrait le linge au bout de trois jours et on évaluait s'il était brûlé. C'était aussi une étape des chemins de St-Pierre (Rome). Au Moyen-Age, le chemin dit d'Henri IV était nommé « camin de St-Pè » (Chemin de St-Pierre).

Le village maudit

La légende raconte qu'autrefois, à la place du Lac de Lourdes, il y avait un village. Mais ses habitants menaient tous une mauvaise vie, avares, menteurs, voleurs, agressifs... Le bon Dieu, mécontent du comportement des gens du lieu, s'y présenta, vêtu comme un vieux mendiant, courbé et boîteux. Tous se moquaient de lui.

Seule une jeune fille qui gardait les chèvres, lui jeta un petit morceau de pain assez sec. Alors, il lui dit de partir sans se retourner. Et d'un grand signe de main, il fit venir l'eau de toute part. La fille s'en alla et le village fut englouti jusqu'à former un grand lac.

Arrivée assez loin, la fille se retourna. Malheur ! elle fut aussitôt transformée en pierre : la peyre-crabère. Et elle est, depuis, toujours à la même place, au bord de la route qui va à Lourdes.

Le lac de Lourdes

C'est un lac d'origine glaciaire de 52 ha, qui s'eet formé derrière une grande moraine que les gens du lieu ont baptisée "le Sabot" à cause de sa silhouette qui ressemble beaucoup à cette chaussure. La légende du lac est inspirée du mythe d'Orphée.

 + 

Quand les paysans de Hours ont défriché les landes de la Garue de Lourrou ils ont fait quelques découvertes qui, malheureusement, sont restées longtemps secrètes :

1 - Fonds de cabanes :

En 1968, le maire du village trouve un menhir dans un champ de Barzun. Quand on l'a déplacé à Arudy, les enfants de l'école on fait un livret sur le monument et, alors, quelques parents, intrigués par l'étude des cercles de pierres qui l'entouraient, osèrent parler de leurs anciennes découvertes. Sur la lande de Garue de Lourrou, ils avaient détruit des murs de pierres en rond, très nombreux, jusqu'ici enterrés. C'était, probablement, des fonds de cabanes peut-être du Néolithique, de l'Age du fer ou du début du Moyen âge. Ce pourrait être aussi une nécropole comme celle de Bartrès.

2 - Des arbres énigmatiques :

Dans un lieu très humide, ils avaient sorti de terre des troncs d'arbres qui semblaient fossilisés, très bien conservés, en grande quantité, de couleur presque noire, couchés en grand désordre, comme après un grand tremblement de terre.

Légende :

La tradition dit que, sur les landes d'ici, autrefois, il y avait des villages et des châteaux. Mais leurs habitants se disputaient tout le temps et un jour, peut-être une punition divine, un terrible séisme a tout emporté. Nous savons aujourd'hui que des villages ont occupé les sommets et les landes à l'entour. C'était ceux de Lapause, Sainte-Christine et le Hameau de Garue. Un petit château, celui du Seigneur de Garue se dressait près du croisement de la route de Pontacq à Bénéjacq et du chemin d'Henri IV.

 + 

La légende de Mourle

Dans la Forêt de Mourle, à ce qu'on dit, la nuit, on entend des hurlements terribles ! Certains racontent que ce serait le roi Arthur qui y chasse et d'autres rétorquent que ce serait Robert le Diable (personnage légendaire inspiré de Robert le Diable.

L'histoire locale prétend que le chasseur maudit fut condamné à errer sans fin pour avoir profané le dimanche.

En Normandie, on raconte que c'est un très méchant homme, fils du Diable. Quand il apprend son origine, il veut faire pénitence et s'en va vivre en ermite. Au contraire d'ici, il s'enferme dans le silence.

Robert le Diable

ou Robert le Magnifique, Duc de Normandie, frère de Richard III, (siècle XI) est le père de Guillaume le Conquérant. Après une vie de débauche, il fait un pèlerinage en Palestine et il meurt à Jérusalem.

 + 

Château de Robert-le-Diable à Moulineaux (76)

La légende d'Orton

Au temps de Gaston Fébus, le baron Ramon de Coarraze avait, toutes les nuits, la visite d'un génie invisible du nom d'Orton qui venait lui annoncer tout ce qui allait avoir lieu dans le monde. De tout savoir avant les autrs, lui conférait une grande considération et notamment auprès du vicomte de Béarn.

Mais Ramon était trop curieux. L'esprit ne se montrait jamais et il lui demanda de le faire. Une nuit enfin, le lutin promit de lui apparaître le lendemain. Au matin, le seigneur fut réveillé per une truie qui criait dans la cour. Il la fit chasser par les valets. Mais cet animal, c'était Orton. Offensé, il ne revint plus au château.


Le baron Ramon II de Coarraze

est un fidèle lieutenant de Gaston Fébus. Avec trois cents chevaliers gascons et béarnais, il participa à la bataille d’Aljubarrota, le 14 août 1385, derrière le roi Jean I de Castille, contre le roi du Portugal. Tous y trouveront la mort.

 + 

hâteau de Coarraze

INCENDIES DE NAY

La ville de Nay a connu plus d'un incendie. Le plus célèbre se déroula pour la Pentecôte de 1543. Ce très grand désastre a excité, pour sûr, les imaginations et nous en avons gardé deux légendes :

1 - Extraterrestres ?

Dans ses « Histoires prodigieuses », Belleforest prétend qu'il fut allumé par des flammes apparues dans les airs qui s’abattent sur la place et anéantissent la ville en quelques heures.

2 - La chandelle d'un enfant

De son côté, l’historien Nicolas de Bordenave raconte, lui, qu’un enfant cherchant une balle sous son lit, en s'éclairant avec une chandelle, était la cause de ce feu dans lequel les gens virent la punition divine contre une population vivant dans le luxe... et la luxure.

 + 

François de Belleforest