LO DOLMEN DE BARZUN
Un dòlmen viatjador

 

 

Dòlmen de Barzun 

 
Nature : Dòlmen devath un tumulus

Epòca : Neòlitic 
Lòc : trobat a la hita de Hors e Barzun

Petita istuèra : un dòlmen viatjador

Un dòlmen misteriós 

 

Qu'èra enterrat hens un tumulus, contenent dus murs d'arrebòts en cerc a costat l'un de l'aute, lo dòlmen hens lo mei petit, entornejat de pèiras dinc au ras de la lavassa de dessús : ua configuracion originala !

Los istorians pensan que data deu
Neòlitic. Mes, que sembla aver estat vueitat e reutilisat a l'atge deu hèr, çò qui explicaré la preséncia d'arrebòts, tot a l'entorn.

 

 

 

relhevats de C. Blanc, JM Escudé-Quillet : tome 11 
«Archéologie des Pyrénées Occidentales» - 1991   

 

Un dòlmen viatjador 

 

Lo maire de Hors, en 1968, au remembrament, troba un tumulus en eishartigant un deus sons camps situat sus la comuna de Barzun. Que'n he part au director deu musèu d'Arudi. Lo dòlmen, plan estudiat, qu'estó amiat au musèu en 1972 e installat a l'entrada.
 

En 1990, lo maire d'Arudi e lo director deu musèu que's pelejèn. Aqueste que he carrejar lo monument neòlitic a Coarasa. Ailàs, quan estó apitat, las peiras qu'an estadas mau plaçadas e l'ua copada !